Следи не на:

Информации и обврски на жири комисијата

Главната селекција за најдобрите сајтови ја врши жири комисијата која се состои од пет члена и ги има следните надлежности: го надгледува процесот на номинирање на сајтови, додава сајтови во изборот и номинираните сајтови, ги распределува номинираните сајтови во соодветните категории и гласа за номинираните сајтови. Жирито ги оценува сајтовите според следните критериуми:

1. Технички параметри

2. Дизајн

3. Функционалност/употребливост

4. Содржина

5. Интерактивност

6. Иновативност/креативност

Членови на жири комисијата

img
Дејан Трајкоски

Роден 1977 година во Прилеп. Дипломирал филозофија на Филозофскиот факултет во Скопје. Идеен автор и директор на Интернационалниот литературен фестивал ПРО-ЗА Балкан. Автор е на романите „Вистина. Љубов. (рашомонијада)“ (2012) и “Неверство“ (2014). Од 2005 до 2016 година работи како новинар во дневниот весник ВЕЧЕР. Член е на Интернационалната федерација на филмски критичари ФИПРЕСЦИ. Член е на Друштвото на писателите на Македонија.

img
Васко Наумоски

Васко Наумоски е роден на 15.01.1983 година во Прилеп. Во период од 8 години, има работено како предавач на основни и напредни курсеви за Office и проекти во областа на On-line учење. Во 2008 година беше предавач и координатор за Прилеп, во проектот „Македонија земја на информатичари“, организиран од Генералниот секретаријат на владата на РМ и е автор на дел од материјалите за обука. Од 2012 работи како ИТ менаџер во Прехрамбена индустрија Витаминка Прилеп и е одговорен за администрација и имплементација на ЕРП системи.

img
Крсте Господиновски

Роден во Скопје, Р. Македонија 1984 година. Дипломира на „Националната Ликовна Академија“ во Софија – Р. Бугарија отсек сликарство во 2006та, каде и магистрира во 2008ма. Дел од неговиот дипломски труд е краткиот анимиран филм „Ловот“. По дипломирањето работи на неколку анимирани филмови и рекламни спотови. Од 2009та станува доцент на „Универзитетот за аудиовизуелни уметности ЕСРА “ а воедно и раководител на катедрата за анимација. Од 2010 почнува да изработува и визуелни ефекти за домашни и мегународни филмови, од кои може да се издвојат „Митот за Сара“, „Деца на сонцето“, „Жената на мојот живот“, „Долу од рајот“ итн. Моментално работи на анимираниот филм „Готлиб“ кој се работи во техниката стоп анимација и е во негова режија.

img
Димитар Николов

Димитар Николов е роден на 10.02.1958 година во Скопје. Тој е филмски продуцент, еден од основачите на Iab во Македонија и исто така еден од пионерите на дигиталниот маркетинг. Од 2008 до денес, сопственик на продуцентската и дистрибутерска фирма “КТ Филм и Медиа” од Битола. Во последните седум години тој е редовен учесник и посетител на сите поголеми Светски и Европски фестивали. Соработува со најголемите филмски фестивали во светот.

img
Коста Дупчинов

Роден 1985 година во Битола. Дипломира на Технички факултет Битола на отсек Информатика и Компјутерска Технологија. Професионално работи во полето на уметничката фотографија и графичкиот дизајн. Учесник на голем број меѓународни и државни изложби и притоа добитник на неколку награди и признанија. Трета година по ред негова фотографија е дел од колекцијата која ја претставува Македонија на ФИАП Светскиот куп на фотографија. Претседател и еден од основачите на Фото Кино Клуб Битола. Официјален дизајнер и организатор на неколку фестивали и манифестации. Моментално работи на подготовки на интернационалниот фестивалот за фотографија Фото Фест Битола 2015.